星期二, 9月 05, 2006
九月四日晚「反暴力、護法治」燭光集會
雖然今次燭光集會由12個泛民團體合辦(民陣、教協、前綫、民主黨、職工盟、支聯會、街工、民協、社總、公民黨、社會民主連線、香港民主發展網絡、 民主動力、香港保釣行動委員會)，但人數居然比8月20日民主黨反銷售稅(大)遊行的人數更少，因為兩個活動我都有出席，所以我有個大約結論。燭光集會人數=大約2個半班學生數目+老師，民主黨反銷售稅遊行=大約一個學級學生數目+教職員。
另一個驗証人數就是派蠟燭數量，根據晚會後一位網．政．廿一兼民主黨義工的網友透露，大會準備大約一千枝蠟燭，大約派左十分之一，至於多於還是小十分之一就要再問多次當事人。
(下列文字開始口語化..........)
因為係事發後二星期後後先舉行晚會，再加上偷拍事件影響，毓民都忍唔住插參加人數只有''小貓3、4隻。跟住講開停唔到口，一講就講足大個半鍾，騎劫後果就係擾亂晚會程度，但呢段時間先係晚會高潮。
基本上毓民演講有三大要點：
- 插泛民搞晚會非常唔合時
- 懸紅無助緝兇
- 特首講過龍(追到天涯海角)，睇下佢點樣收科
另外當晚社會民主連線成員(包括毓民)全部穿上紅色T恤，前面係馬丁·路德·金（Martin Luther King, Jr)肖像，背後印上馬丁·路德·金其中一句名言：
Injustice anywhere is a threat to justice everywhere.
毓民譯其大意為''一個地方暴力影響其他地方公義''，我英語超水皮，無法評論有無譯錯。社會民主連線揀左10月1日正式成立(現時還在籌備)，10月1日好似係大陸國慶，看嚟有d含意。
去完晚會後同網．政．廿一數位網友、高登網友膠考員去灣仔吹水，聽左唔少料，但第二朝訓醒就差唔多洗哂XDD
# posted by 孤獨槍客 @ 6:23 上午 
